प्रत्येक महिन्यात येणाऱ्या कृष्ण पक्षातील चतुर्थीचे दिवशी संकष्ट चतुर्थीचे व्रत केले जाते. या व्रताची देवता गणेश असून या दिवशी संपूर्ण दिवस उपवास केला जातो व रात्री चंद्रोदया नंतर गणेशाची पूजा करून उपवास सोडला जातो. या व्रताकरिता चतुर्थी तिथी चंद्रोदय व्यापिनी असणे आवश्यक असते. भारतात सर्वत्र संकष्ट चतुर्थीचे व्रत मोठ्या प्रमाणात केले जाते. श्रीगणपती ही विघ्ननाशक देवता आहे या व्रताने ती प्रसन्न होते आणि सर्व विघ्नांचा नाश होतो, असे संकष्ट चतुर्थी व्रताचे महात्म्य सांगितले जाते.